|
BÊWAHiRiE
Sar, çıra serva ma vazo, béwayirié
Mordemé ma ki, çuyé desté sari niyé
Wa u bırauné ho ré wayir véjiyé
Î yé ke hona hawuré toway nébiyé
Ju o ke, qa merdena zoné ma bıwazo
Ma cıré névame, şéro se vano, vazo
Ma çhım de qimeto, ju o ke serfirazo
Kam zoné ma zono, maré çének u lazo
İnson, merdena zoné insoni bıwazo
Rié na dina serro kam cıré rınde vazo
Zoné ma domanuné ma ra çiyé mevazo
Ma çıturi cıra vame, maré çének u lazo
Juo ke, qa merdena zoné ma bıwazo
Wa u bıra! Névame, va se vano, vazo
Ma çhım de qimeto, ju yo ke serfirazo
Kam zoné ma zono, maré çének u lazo
Bızoné ke peskira desté kesi niyé
Tayé, boyna leq u kayé feké sariyé
Kutık é olemi ve kesi qa mehuyé
Domanu zoné mae ra duri mefiyé
Juo ke, qa merdena zoné ma bıwazo
Ba u daé! Névame, va se vano, vazo
Ma çhım de qimeto, ju yo ke serfirazo
Kam zoné ma zono, maré çének u lazo
İzna heqi! Qom ki na géyim qéret ano
Zon u zagoné ho tenge de néverdano
Torné Thuji tenganie de qe némano
Dina de se bıvo, goni awxe nédano
Jüyo ke, qa merdena zoné ma bıwazo
İnsono! Névame, şéro se vano, vazo
Ma çhım de qimeto, ju yo ke serfirazo
Kam zoné ma zono, maré çének u lazo
Torné Thuji
23.11.2007
|
Anasayfa
Sosyal AÄŸ
Dersim
BeÄŸenilen: 1
